Product Description
ಆಡು ಮುಟ್ಟದ ಸೊಪ್ಪಿಲ್ಲ ಎಂಬ ಗಾದೆ ಮಾತಿದೆ. ಇದರ ಜೊತೆಗೆ, ಪಾ.ವೆಂ. ಆಚಾರ್ಯರು ಮುಟ್ಟದಿದ್ದ ವಿಷಯವೇ ಇಲ್ಲ ಎಂಬ ಮಾತನ್ನೂ ಸೇರಿಸಿಕೊಳ್ಳಬಹುದೆನಿಸುತ್ತದೆ! ಪತ್ರಕರ್ತರಾಗಿದ್ದ ಅವರದು ವೈವಿಧ್ಯಮಯವಾದ ಆಸಕ್ತಿ, ವಿಸ್ತಾರವಾದ ಅನುಭವ. ಸಾಮಾಜಿಕ ವಿಷಯಗಳಲ್ಲಿ ಆಸಕ್ತಿ ತೋರಿಸುತ್ತಿದ್ದಂತೆಯೇ, ಆವಿಷ್ಕಾರಗೊಳ್ಳುತ್ತಿದ್ದ ವಿಜ್ಞಾನದ ವಿಷಯಗಳಿಗೂ ತಮ್ಮನ್ನು ತೆರೆದುಕೊಂಡಿರುತ್ತಿದ್ದರು. ಆ ವಿಷಯಗಳನ್ನು ಓದುಗರಿಗೆ ತಲುಪಿಸಲು ತಮ್ಮ ಲೇಖನ ಕೌಶಲವನ್ನು ಬಳಸಿಕೊಳ್ಳುತ್ತಿದ್ದರು.
‘ವಿಜ್ಞಾನ ವಿಸ್ಮಯ’ ಪಾವೆಂ ಅವರ ಲೇಖನಗಳ ಸಂಗ್ರಹ. ಇದರಲ್ಲಿ ಸಾಮಾನ್ಯ ವಿಜ್ಞಾನ, ಖಗೋಳವಿಜ್ಞಾನ, ಭೂಭೌತಿಕ ವಿಜ್ಞಾನ, ಸಸ್ಯಲೋಕ, ಪ್ರಾಣಿಲೋಕ, ವೈದ್ಯಕೀಯ, ಮನೋವಿಜ್ಞಾನ, ಆನ್ವಯಿಕವಿಜ್ಞಾನ ಮುಂತಾದ ವಿಷಯಗಳಲ್ಲದೆ ಕೆಲವು ವಿಜ್ಞಾನಿಗಳ ಬಗ್ಗೆ ಸಹ ಬರೆದಿರುವ ಲೇಖನಗಳಿವೆ.