Product Description
ದಿನಂಪ್ರತಿ ಉದಯಿಸುವ ಸೂರ್ಯ, ರಾತ್ರಿಯ ತಂಪನ್ನು ಉಣಬಡಿಸುವ ಚಂದ್ರ ಆಗಿಂದ್ದಾಗ್ಗೆ ಬೆಳಗಿನಲ್ಲಿ ಹಾಜರಾಗುವ ಕೌತುಕ, ನಡುಹಗಲಲ್ಲಿ ಕಗ್ಗತ್ತಲಾಗುವ ವಿಸ್ಮಯ ಹೀಗೆ ಆಕಾಶಕಾಯಗಳು ಬಹಳ ಹಿಂದಿನಿಂದಲೂ ಮಾನವನ ಕುತೂಹಲವನ್ನು ಕೆರಳಿಸುತ್ತಿದ್ದವು. ಅವುಗಳ ಅವಿರತ ಚಲನೆ ಒಮ್ಮೆ ಸುಲಭವಾಗಿ ಅರ್ಥವಾಗುವಂತೆ ಮಗದೊಮ್ಮೆ ಕಗ್ಗಂಟಾದಂತೆ ಕಾಣುತ್ತಿತ್ತು. ಭೂಮಿ ಸೂರ್ಯನನ್ನು ಏಕೆ ಸುತ್ತಬೇಕು ? ಗ್ರಹಗಳು ಸೂರ್ಯನನ್ನು ಏಕೆ ಸುತ್ತಬೇಕು ? ಹೀಗೆ ಆರಂಭವಾಗುವ ತರ್ಕ ಗುರುತ್ವಾಕರ್ಷಣೆಯಂತಹ ತತ್ವಗಳನ್ನು ತಿಳಿಸಿಕೊಟ್ಟಿತು. ಬರಿಗಣ್ಣಿಗೆ ಚುಕ್ಕೆಗಳ ಹಾಗೆ ಕಾಣುವ ನಮ್ಮ ನೆರೆಹೊರೆಯ ಕಾಯಗಳು ದೂರದರ್ಶಕದ ಮೂಲಕ ಹೊಸ ಜಗತ್ತನ್ನೇ ಪರಿಚಯಿಸುತ್ತವೆ. ದೂರದ ಚುಕ್ಕಿಗಳ ಅಧ್ಯಯನ ನಮಗೆ ಏಕೆ ಬೇಕು ? ಅದೂ ಒಂದು ಪ್ರಶ್ನೆ. ಇವುಗಳ ಉತ್ತರ ಒದಗಿಸುವ ಸಣ್ಣ ಪ್ರಯತ್ನ ಈ ಪುಸ್ತಕ.