Product Description
ನಾವು ಸಂಘಜೀವಿಗಳಾಗಿರುವ ಕಾರಣದಿಂದ ಕಾನೂನು ಅನಿವಾರ್ಯ. ಅದರ ಅನಿವಾರ್ಯತೆಯನ್ನು ಎಲ್ಲರೂ ಗುರುತಿಸಬೇಕು. ಈ ದೇಶದ ಕಾನೂನನ್ನು ಎಲ್ಲರೂ ತಿಳಿದಿರಬೇಕು. ಆದರೆ ಇದು ಅಸಾಧ್ಯ. ಸಾವಿರಾರು ಆಕ್ಟ್ಗಳು, ಕೋಡ್ಗಳು, ರೂಲ್ಸ್, ರೆಗ್ಯೂಲೇಷನ್ಸ್, ಬೈಲಾಸ್ಗಳು ಇವುಗಳೆಲ್ಲವನ್ನು ಪರಿಚಯಿಸಿಕೊಳ್ಳಲು ಹೊರಟರೆ ಜೀವಮಾನವಿಡೀ ಅದನ್ನೇ ಮಾಡಿದರೂ ಸಾಧ್ಯವಾಗದು. ಜನಸಾಮಾನ್ಯರ ನಿತ್ಯಜೀವನಕ್ಕೆ ಹತ್ತಿರವಾದ ಮತ್ತು ಅವಶ್ಯವಾದ ಕೆಲವು ಕಾನೂನುಗಳಿವೆ. ಅವುಗಳ ಅರಿವಿಲ್ಲದೆ ಜೀವನ ಅಸಾಧ್ಯ. ಅಂತಹುಗಳಲ್ಲಿ ಭಾರತ ದಂಡಸಂಹಿತೆ ಮತ್ತು ದಂಡ ಪ್ರಕ್ರಿಯಾ ಸಂಹಿತೆ ಮುಖ್ಯವಾದುವು. ಅವುಗಳು ಒಳಗೊಂಡಿರುವ ಎಲ್ಲವೂ, ಜನಸಾಮಾನ್ಯರಿಗೆ ತೀರಾ ಮುಖ್ಯವಾಗದೆ ಕೆಲವು ಮಾತ್ರ ಆ ಸ್ಥಾನದಲ್ಲಿವೆ. ಅವುಗಳನ್ನು ಮಾತ್ರ ಈ ಪುಸ್ತಕದಲ್ಲಿ ಉದ್ದೇಶಿಸಲಾಗಿದೆ. ಅದರ ಫಲ ಸಾಮಾನ್ಯರು ತಲೆನೋವು ತಂದುಕೊಳ್ಳದೆ ಸಂಬಂಧಿಸಿದ ಕಾನೂನನ್ನು ತಿಳಿಯಲು ಸಾಧ್ಯವಾಗಿದೆ. ಕಾನೂನನ್ನು ಶ್ರೀಸಾಮಾನ್ಯನಿಗೆ ಅರ್ಥವಾಗಿಸಲು ಪುರಾಣದಿಂದ ಉದಾಹರಣೆಗಳನ್ನು ಬಳಸಿಕೊಂಡು, ಹಿಂದೆ ತೀರ್ಮಾನವಾಗಿರುವ ಪ್ರಕರಣಗಳನ್ನು ಉದ್ಧರಿಸಿ, ಇತರೆ ಕಾಯ್ದೆಯಲ್ಲಿರುವ ಸಾಮ್ಯ ಸಂಬಂಧಗಳನ್ನು ಗುರುತಿಸಿ - ಎಲ್ಲವನ್ನು ಈ ಪುಸ್ತಕದಲ್ಲಿ ಪರಿಚಯಿಸಲಾಗಿದೆ.